Россиянинг Тюмень вилояти Юргинск қишлоғидан 7 км узоқликдаги "Абсолют Агро" МЧЖга қарашли паррандачилик фермасининг қурилиш майдонида ёнғин юз берган. 32 квадрат метр майдонда яшаш учун ўрнатилган вагонларда ёнғин содир бўлгани оқибатида 7 киши ҳалок бўлган. 3та махсус машинада етиб келган 8 нафар ўт ўчирувчи алангани ўчиришга муваффақ бўлган. Бахтсиз ҳодисада яна 3 киши жабрлангани хабар қилинмоқда.
Айни вақтга келиб, ҳалок бўлганлардан олти нафарининг шахси аниқланган, дея маълум қилган РИА “Новости” агентлигига ФВВ минтақавий Бош бошқармаси матбуот хизмати раҳбари Сергей Юсько.
Унинг маълум қилишича, воқеа 19 ноябрга ўтар кечаси рўй берган. Дастлабки маълумотларга кўра, ҳалок бўлганлар ва жабрланганлар шу ерда қурилиш ишларини олиб борган. Фожиа сабаблари ўрганилмоқда.
