ФИФАнинг собиқ президенти Йозеф Блаттер Мишель Платини нега ташкилотда ўз ўрнига кела олмагани ҳақида гапириб ўтди.
«Мен ҳеч кимни алдамадим. Бу келишилган иш. Аммо унга халал берган одам мен эмасман. Платини шунинг учун ФИФА президенти бўлмадики, у АҚШ 2022 йилги ЖЧ мезбонлигини қўлга кирита олмагани учун жавобгардир.
Мишель ҳали қайтиши мумкин. У мендан 20 ёш кичик. Вақт учиб ўтмоқда. Унинг дисквалификациясида 3 йил ортиқча.
Мен ҳамиша ЖЧ-2018 Россияда, ЖЧ-2022 эса АҚШда бўлишига умид қилардим. Биз дипломатик йўл тутишимиз мумкин эди.
Аммо Платини Франциянинг аввалги президенти Николя Саркози ҳамда Қатар амири билан учрашганидан кейин [2010 йилнинг 23 ноябри] у айтганди: «Мендан Франция манфаатлари учун овоз беришимни сўрашди. Менинг гуруҳим ижро қўмитасида қабул қилинган қарор учун овоз бермайди».
Бу гапдан мен карахт аҳволга тушгандим.
2010 йилги ЖЧ билан ҳам шундай бўлганди. Жак Ширак Платинига айтган: «Сиз ЖАР учун овоз бермайсиз, биз Марокаш билан яқинмиз».
ЖЧ-2022 мезбонлиги Қатарга кетганини конверт очилишидан олдин билардим», – дея Блаттернинг сўзларини келтирган Le Figaro.
Эслатиб ўтамиз, 2015 йилнинг декабрида Блаттер ва Платини 8 йил муддатга футбол фаолиятидан четлатилганди.
2016 йилнинг февралида икки амалдорнинг ҳам дисквалификацияси 6 йилгача қисқартирилди. Апрелда эса Платинининг апелляцияси асосида унинг дисквалификацияси муддати 4 йилга тушди.
