Бугун БМТнинг янги бош котиби сифатида расман иш бошлаган Антониу Гутерриш ўзининг илк нутқида халқларни ва ҳукуматларни тинчлик учун кураш олиб боришга чақирди.
ТАСС маълумотига кўра, Гутерришнинг баёноти 7 тилда тарқатилган. Бош котиб лавозимидаги илк куниданоқ ўзини бир қатор саволлар беҳаловат қилаётгани ҳақида гапирган. У қуролли низолар ҳудудида қамалда қолаётган инсонларга қандай ёрдам кўрсатиш мумкинлиги ҳақида ўйламоқда. У шунингдек, бутун дунёга таҳдид солаётган глобал террор ҳақида қайд этиб ўтган.
Шу туфайли Гутерриш бутун дунё ҳамжамиятини тинчлик учун курашишга чақирди.
«Бизнинг мақсадимиз тинчликка эришиш бўлиши керак. Мен барчани бугун ва ҳар куни тинчлик учун кураш олиб боришга чақираман. Келинг, 2017 йилни тинч йил қилайлик», — деган у.
