Таиландда итлар ўз эгасини кобрадан сақлаб қолишди

Интернетда 4 ит ўз эгасини узунлиги 2 метр келадиган қирол кобрасидан ҳимоя қилаётгани видеоси пайдо бўлди. Бу ҳақда Daily Mail нашри хабар бермоқда.

Заҳарли илон Пхитсанулок вилоятида яшайдиган аёлнинг боғига кириб қолган. Итлар илонни ҳайдашга ва ўзларини чақтирмасликка ҳаракат қилиб уни тишлай бошлашган. Натижада итлар "чақирилмаган меҳмонни" ҳайдашга муваффақ бўлишган.

Нашрнинг таъкидлашича, қирол кобралари бир чақиш билан ўлдириши мумкин, бироқ одатда улар одамлар билан "боғланмасликка" ҳаракат қиладилар.