Сурия шимолидаги Ал-Боб шаҳри яқинида теракт содир этилди. Рейтер агентлиги хабарига кўра, портловчи қурилма ўрнатилган автомобиль портлатилиши оқибатида 45 киши ҳалок бўлган.
Дастлабки хабарларда портлаш қурбонлари сони 15 нафардан ортиқлиги айтилганди.
Хабарда айтилишича, қурбонларнинг 35 нафари тинч аҳоли вакилларидир. Бу теракт учун жавобгарлик ИШИД зиммасига юкланган.
23 февраль куни Туркия бош штаби ва Сурия озодлик армияси вакиллари Ал-Боб ИШИД жангариларидан бутунлай озод этилгани ҳақида хабар берганди.
