Американинг Колорадо штатида яшовчи Аллан Эванс (Allan V. Evans) Англиянинг чинакам қироли эканлигини айтиш учун The Times газетасидаги эълон учун энг катта жойни сотиб олди. Бу ҳақида The Independent хабар беради.
Нашрнинг реклама учун мўлжалланган саҳифасида эркак ўз авлоди бўйича суриштирув ўтказгани ҳақида катта матн жойлаштирган. Эванснинг айтишича, у ўрта асрларда Уэльснинг Гвинед номли кельт қиролликларидан бирининг асосчиси бўлган Кунеди ап Эдерннинг бевосита авлоди саналади.
Эълон орқали у ўзининг узоқ қариндошлари ҳақида «расман маълум қилиб», бир ой давомида ўзига тегишли мол-мулкка эгалик қилмоқчилигини айтиб ўтган. Шунингдек, у бошқа «оилавий мавқелар», қироллик унвони ва «Уэльс тожи»ни қўлга киритишга қарор қилганини ҳам маълум қилган.
Бундан ташқари, Эванс ўз номзоди қироллик оиласи аъзоси сифатида расман тасдиқланишини сўрамоқда.
Америкалик ҳурмат юзасидан Буюк Британия қироличаси Елизавета IIнинг тожига тегмаслигини, бироқ у шаҳзода Чарльзга раҳм қилмаслигини қайд этган.
Нашрнинг айтишича, 2012 йилда Эванс Твиггс (АҚШ) шаҳридаги мол-мулкка эгалик қилиш учун даъво қилган. У аждодларига тегишли деб атаган ерларни барибир ҳам ўзлаштира олмаган.
