Сирдарё вилояти прокуратураси ва вилоят Ички ишлар бошқармаси Ҳуқуқбузарликларнинг олдини олиш бошқармаси ва унинг қуйи тизимлари ходимлари билан ҳамкорликда вилоят ҳудудида “Давомат” амалиётини ўтказишди. Сирдарё вилояти Ички ишлар бошқармаси шу ҳақида хабар берди.
Операция давомида мунтазам равишда ўқишга келмаганлиги қайд этилган 631 ўқувчидан 504 нафари ўқишга қайтарилди.
Болаларни тарбиялаш ва уларга таълим бериш борасидаги мажбуриятларни бажармаган 54 нафар ота-она Ўзбекистон Республикасининг "Маъмурий жавобгарлик тўғрисида"ги кодексининг 47-моддасига кўра жавобгарликка тортилди.
