Сиз фаол ва қизиқ ҳаёт тарзини олиб борсангизу ёнингизда уни камерага оладиган инсон бўлмаса, нима қилиш керак? Бу саволга швейцариялик чанғи устаси Николас Вуигниер оддий жавоб топди - трюкларни бажараётган пайтда у шунчаки камерани ҳавога ирғитади.
Нико (унинг YouTube'даги номи) бу ихтирони "камбағаллар учун селфи-дрон" деб атади. Бу ерда у бироз камтарлик қилган, албатта, ахир экшн-камера ва чанғида профессионал учиш учун жиҳозланиш у қадар арзонга тушмайди.
Шунга қарамай, бу техника орқали олинган видео жуда ажойиб - кадрда инсон тўлалигича намоён бўлади, экраннинг ён томондан қўл ёки монопод кўриниб турмайди. Видеороликларга қараганда, Нико ракурс борасида тажриба қилишни яхши кўради, у ҳатто телефонни арқонга боғлаб, ўзининг атрофида айлантирган. Бу ихтиро ҳам ўз номига эга - "центрифон".