Интернет тармоғида россиялик бизнесмен Алишер Усмонов ва мухолифачи Алексей Навальний машҳур Mortal Kombat компьютер ўйини сиймосида акс эттирилган видеоролик тобора машҳур бўлмоқда. Видео «Лентач» Facebook-ҳамжамиятида эълон қилинган.
Эълон қилинганидан сўнг ўтган қисқа вақт ичида уни томоша қилганлар сони 33 мингдан ортган.
Унда Усмонов ва Навальний бир-бирларига қилган видеомурожаатлардан кесиб олинган иборалардан фойдаланилган. «Жанг» қисқача сўзлашувлардан сўнг муштлашув, шунингдек бошқа персонажлар — журналистлар Анатолий Шарий ва полициячиларнинг пайдо бўлиши билан давом этади.
Ролик сюжетига кўра, Усмонов ғалаба қозонади ва финал зарбаси сифатида «Туф сенга, Алексей Навальний» дейди.
Алишер Усмонов 18 май куни Навальний томонидан унинг давлат мулкини хусусийлаштиришдаги иштироки борасидаги айбловларига жавобан илк видеомурожаатини эълон қилган эди.
Иккинчи видеоролигида бизнесмен Навальнийни Полиграф Шариковга тенглаштиради. Шундан сўнг миллиардер энг яхши мемлар танловини эълон қилиб, ғолибларга iPhone 7 Plus ва дастхати туширилган футболкалар совға қилишни ваъда қилган эди.
