Фото: ТВ Центр
Қатар ташқи ишлар вазири Муҳаммад бин Абдулраҳмон бин Жасим Ол Соний унинг давлати араб давлатлари билан музокараларга боришга тайёрлигини маълум қилди. Унинг айтишича, Доҳа террорчиликни молиялаштиришнинг олдини олиш бўйича қадамлар амалга оширмоқда. Ол Сонийнинг таъкидлашича, у АҚШ давлат котиби Рекс Тиллерсон билан инқироздан чиқишнинг сиёсий йўлларини муҳокама қилган.
9 та давлат – Саудия Арабистони, БАА, Яман, Ливия, Баҳрайн, Мавритания, Маврикий, Мальдив ва Комор ороллари Қатар билан дипломатик алоқаларни узишган. 4 та араб давлати Қатардан Эрон билан дипломатик алоқаларни узишни, ҳудудидаги Туркия ҳарбий базаси ва Al Jazeera телеканалини ёпишни ҳамда террорчилар билан алоқаларни узишни талаб қилишган.
