Ироқнинг Мўсул шаҳрини ИШИД жангариларидан озод қилиш бўйича амалиётлар давомида тинч аҳоли вакилларидан 40 мингга яқин киши ўлдирилган бўлиши мумкин. Бу ҳақда The Independent курд разведка хизматлари маълумотига асосан хабар қилган.
Таъкидланишича, бу рақамлар аввалги тахминлардан бироз юқори.
Ироқлик собиқ юқори мансабли вазир Ҳошиёр Зеборийнинг сўзларига кўра, кўплаб қурбонлар «ҳамон вайроналар тагида қолмоқда».
Аввалроқ Ироқ бош вазири Мўсулни озод қилишда инсон ҳуқуқларининг бузилиш ҳолатлари рўй берганини тан олгани ҳақида хабар берилганди.
