Асқар Акаев — 2005 йилги инқилобдан кейин мамлакатдан қочган мустақил Қирғизистоннинг биринчи президенти. Ундан сўнг ҳукумат тепасига биргина фарқ билан Акаевнинг тақдирини такрорлаган Курманбек Бакиев келди.
Бугунги кунда академик Асқар Акаев Москвада яшаб, ўз илмий фаолиятини давом эттирмоқда ва оддий одамлар каби ҳаёт кечирмоқда. Курманбек Бакиев эса кексалик гаштини Беларусда сурмоқда.
Қирғизистон фуқаролари собиқ президентларининг тақдирини кузатишдан чарчашмайди: тармоқда вақти-вақти билан уларнинг ҳаётига тааллуқли суратлар пайдо бўлади.
Куни кеча «Компромат.кг»нинг Facebook саҳифасида Қирғизистоннинг биринчи президенти Асқар Акаевнинг навбатдаги сурати тарқалди. Бу сафар у Москвадаги супермаркетлардан бирида маҳсулотлар хариди вақтида акс эттирилган.
