Ҳаририй Ар-Риёдга нима учун борганини айтди

Фото: emaratyah.ae

Ўз истеъфоси ҳақида эълон қилган Ливан бош вазири Саад Ҳаририй жума куни Ливан келажаги ва унинг араб оламидаги ўрнини муҳокама қилиш учун Саудия Арабистонида бўлганини, қолган барча тахминлар эса миш-мишдан бошқа нарса эмаслигини маълум қилди.

"Мен Саудия Арабистонида Ливан келажаги ва унинг араб оламидаги алоқалари ҳақида муҳокамалар ўтказиш учун бўлдим. Бунга зид келувчи қолган барча тахминлар, менинг ташрифим ёки оиламдаги вазиятга доир гап-сўзлар - бор-йўғи миш-миш", - деб ёзади Ҳаририй ўз Twitter'ида.

4 ноябрь куни Ар-Риёдда бўлган Ҳаририй кутилмаганда ўз истеъфоси ҳақида эълон қилди. Саудиянинг "Ал-Арабийя" каналида эфирга узатилган нутқида у "Ҳизбуллоҳ" шиалар ҳаракати ва Эронни Ливан ҳамда араб оламида низо келтириб чиқаришда айблади, шу билан бирга, унга қарши суиқасд уюштирилаётгани тўғрисида маълум қилди.

"Ҳизбуллоҳ" ҳаракати етакчиси Ҳасан Насруллоҳ Ҳаририйнинг истеъфоси сабабларини Саудия Арабистонидан излаш кераклигини айтди, Эрон ТИВ эса Ҳаририйнинг айбловларини асоссиз деб атади. Насруллоҳ шунингдек Ҳаририйни истеъфога чиқишга мажбур қилишганини ва эҳтимол, Саудияда мажбурлаб ушлаб туришганини айтди.

#Ливан #Саад Ҳаририй

4 ноябрь куни Саудия Арабистонида 11 нафар шаҳзода ва 4 нафар юқори мартабали амалдор коррупцияда айбланиб ҳибс қилинди. Бу ҳодиса валиаҳд шаҳзода Муҳаммад ибн Салмоннинг ўз рақобатчиларидан қутулиш йўлидаги ҳаракати сифатида баҳоланмоқда.