Куни-кеча намойиш қилина бошлаган “Қасоскорлар 3: Чексизлик уруши” фильмининг трейлери барча рекордларни ортда қолдириб, барча замонларнинг энг кўп томоша қилинган трейлерига айланди.
Трейлер илк 24 соат ичида 230 млн мартадан кўпроқ томоша қилинди. Аввалги рекорд Андрес Мускеттининг даҳшат фильми “У”га тегишли бўлган: фильмнинг трейлери 197 млн марта кўрилган. Бундан аввалги рекорд натижа эса намойишининг илк куни 193 млн марта томоша қилинган “Форсаж 8” фильмига тегишли бўлган.
Фильм 2018 йил май ойидан намойиш қилина бошланади. Фильмда актёрлар Кичик Роберт Дауни, Крис Хемсворт, Крис Эванс, Марк Руффало, Скарлетт Йоханссон, Жереми Реннер, Сэмюэл Л. Джексон ва бошқалар суратга тушган.
