Исроил армияси Хеврон шаҳрида хавфсизликни таъминлаш операцияси вақтида фаластинлик сотувчининг олмасини бесўроқ олган ҳарбийни хизматдан четлатилди. Бу ҳақда Исроил армияси матбуот хизматида маълум қилинди.
Воқеа 9 декабрда, АҚШнинг Ал-Қудсни Исроил пойтахти деб тан олиши билан боғлиқ норозиликларни бостириш операцияси вақтида юз берган.
Haaretz нашрининг маълум қилишича, шаҳарда 84-пиёда аскарлари бригадаси “Гивати” ҳаракат қилган. Патруль хизмати олиб борган отряд сардори сотувчилар томондан мевалар билан ташлаб кетилган расталарга кўзи тушиб қолган. У расталардан бирига бориб, у ердан учта олма олиб, аскарларга улашган. Бу ҳолат видеога қайд қилинган ва твиттерда жойлаштирилган.
Видео намойиш қилингандан кейин армия ушбу ҳолат юзасидан тергов бошлаган. Аниқланишича, мевалар тартибсизликлар туфайли қочиб қолган фаластинликка тегишли бўлган. Армия раҳбарияти ҳарбийнинг бу қилмишини “Исроил армияси аскари ва сардорига хос бўлмаган хатти-ҳаракат” деб топиб, зобитни хизматдан четлатган ва тегишлича жазолаган.
الخليل חברון pic.twitter.com/J2E7jPX4F2
— Ahmad Tibi (@Ahmad_tibi) December 9, 2017
