UTBANK АЖ банк номини ўзгартирди. Банк маълумотларига кўра, банкнинг ягона акциядори T.C. Ziraat Bankası A.Ş. (Туркия) номни ўзгартириш ҳақида қарор қабул қилган.
2017 йил 25 декабрда Марказий банк янги фирма номи Ziraat Bank Uzbekistan АЖ бўлган банк уставини давлат рўйхатидан ўтказди.
Номнинг ўзгариши банкнинг ўз мижозлари ва контрагентлари олдидаги ҳуқуқлари ва мажбуриятлари ўзгаришига сабаб бўлмайди. Барча амалдаги шартномалар ва хизмат кўрсатиш шартлари, шунингдек банк реквизитлари ўзгаришсиз қолади, дея таъкидлайди банк.
Эслатиб ўтамиз, ўтган йилнинг октябрь ойида Ziraat Bank «Агробанк»нинг UTBANK’даги улушини сотиб олмоқчи экани хабар берилганди.
