Фото: Reuters
Apple бош директори Тим Кукнинг маълум қилишича, Хитой билан савдо музокараларини «сокин ва хотиржам кайфиятда» ўтказиш лозим, бу вазият янада кескинлашмаслиги учун керак, деб хабар қилмоқда Reuters.
Кук Хитойни ривожлантириш бўйича иқтисодий форум вақтида журналистлар билан шу ҳақда суҳбатлашган. Ушбу тадбир ҳар йили Хитойда ташкил этилади.
Эслатиб ўтамиз, АҚШ ва Хитой ўртасидаги муносабатлар Қўшма Штатларда алюминий ҳамда пўлат импортига божлар жорий этилганидан сўнг кескинлашди.
Аввалроқ, Хитой АҚШ билан савдо урушига тайёргарлик кўраётгани хабар берилганди.
