АҚШ президенти Дональд Трампнинг биринчи рафиқаси Ивана Трамп унинг собиқ турмуш ўртоғи 2020 йилда иккинчи муддатга сайланмаслиги маъқул бўлишини айтди. Бу ҳақда Page Six нашри хабар берди.
“Мен сизга бир нарса айтаман, бироқ уни зарур, деб ҳисобламайман. Унинг ҳаёти яхши, унинг ҳамма нарсаси бор. Дональд кейинги сайловларда 74, 73 ёшларда бўлади ва эҳтимол, у шунчаки кетиши ва гольф ўйнаб, ўз ҳаётидан завқ олиши маъқулроқдир”, деб айтган Ивана Трамп нашрга берган интервьюсида.
Ивана Трампнинг фикрича, Трамп “аввалги эркинлигини бироз қўмсамоқда”. “У президент мақоми ўзига шунчалик кўп нарсани қамраб олишини тасаввур қилган, деб ўйламайман. Бутун дунё ҳақида жуда кўп маълумот билиши керак”, деб қўшимча қилган Ивана Трамп.
Ивана Трамп собиқ Чехословакияда туғилган. У Трампга 1977 йилда турмушга чиққан. Улар биргаликда 15 йил яшаб, 3 фарзанд кўришган.
