Фото: KUN.UZ
«Ўзбекистон» спорт мажмуасида бўлиб ўтаётган бокс кечасининг учинчи жангида тошкентлик Умид Рустамов (3-0-0) рингга чиқди.
Рустамовга грузиялик тажрибали боксчи, профессионал боксда 43 жанг ўтказиб, 18 ғалаба, 20 мағлубият, 5 дуранг қайд этган Давид Рибакони рақиблик қилди.
Рустамов дастлабки раундлардан устунликни қўлга олди. Аммо рақиб уч раунд давомида кучли зарбаларга дош бера олди. Аммо учинчи раунднинг 2 дақиқасига келиб иккинчи марта нокдаунга учраган Рибакони жангни давом эттира олмади. Натижада Умид Рустамов техник нокаут билан проф-рингдаги тўртинчи ғалабасини нишонлади.
