Япониянинг Honda автогиганти ва British Touring Car Team Dynamics компанияси дунёдаги энг тез ўт ўрувчи машинани (газонокосилка) тақдим қилди. Қурилма 240 км/соатдан кўпроқ тезликка эриша олади.
Бундай тезликка эришиш учун қурилманинг мотори янгидан лойиҳаланмади. У тезкор бўлиши учун мутахассислар махсус платформага CBR1000RR Fireblade спортбайки двигателини ўрнатишган. Натижада Honda’нинг ўт ўрувчи машинаси қувват/оғирлик нисбати бўйича бир тонна оғирликка минг от кучини олди.
Қурилмани ишлаб чиққан мутахассислар яқин орада махсус трассада тезлик рекордини (240 км/соатдан кўпроқ) ўрнатишни мўлжаллашмоқда.