АҚШнинг Миссури штатидаги Тейбл-Рок кўлида сайр катерининг ҳалокатга учраши гувоҳлар томонидан видеога олинди. Охирги маълумотларга кўра, ҳалокат 17 кишининг ҳаётини олиб кетган.
Аввалроқ 13 киши ҳалок бўлгани маълум қилинганди. Стоун округи шерифи Доу Рейдернинг NBC телеканалига маълум қилишича, қурбонлар сони 4 нафар бедарак йўқолган деб ҳисобланганлар жасади топилгандан кейин ошган. 7 киши шифохонага тушган, улардан бир нафари оғир жароҳатлар олган.
Маълум қилинишича, катер бортида ҳалокат вақтида 29 йўловчи ва экипажнинг 2 аъзоси бўлган. Дастлабки маълумотларга кўра, ҳалокатга кучли шамол сабаб бўлган. Шамол кучи 100 км/соатгача етган.
