Фото: ЎФА матбуот хизмати
ФИФА терма жамоаларнинг ноябрь ойи якунига кўра рейтинг жадвалини эълон қилди.
Рейтингда Ўзбекистон термаси ҳисобидаги очколар сони октябрдагидан 3тага камайиб, 1251тани ташкил этган; шунга мувофиқ жамоа ўтган ойдан бир поғона пастлаб, 95-ўринни эгаллаган.
Октябрь рейтингида Ўзбекистон 8 ойдан буён илк марта кўтарилишга эришган, Осиёда 13-ўринга чиққан эди. Бу галги жадвалда Қатар термаси уч поғона юқорилаб, ОФК аъзолари ичида яна 13-ўринга қайтди. Ўзбекистон термаси 5 ойдан буён 94-96 ўринлар оралиғида қолмоқда.
Жаҳон рейтингини Бельгия терма жамоаси бошқариб турибди. Кучли учликдан Франция ва Бразилия жой олган. Умуман, юқори ўнлик таркиби ўзгармай қолган бўлиб, 6-7 поғоналардаги Португалия ва Уругвай терма жамоалари ўрин алмашишган холос.
