Иккинчи марта давлат раҳбари лавозимига номзодини қўйган Украина президенти Пётр Порошенко сайлов кампаниясига 70 миллион гривен (2,5 миллион доллардан ортиқ) маблағ сарфлади, у кампанияни ўз маблағлари ҳисобидан молиялаштирмоқда. Бу ҳақда президент штаби вакили Олег Медведев маълум қилди.
"Айни пайтда кампания учун 70 миллион гривен сарфланди. Жами қанча маблағ сарфланиши ҳозирча аниқ эмас", - деди Медведев. Унинг сўзларига кўра, Порошенко ўз сайлов кампаниясини ўзи молиялаштирмоқда.
Украина президент сайлови 31 мартда бўлиб ўтади. Президентликка жами 44 киши ўз номзодини қўйган.