Фото: EPA-EFE/OLIVIER HOSLET
Еврокомиссия раҳбари Жан-Клод Юнкер маълум қилишича, Брюссель ва Лондон Буюк Британиянинг Brexit бўйича ҳуқуқий кафолатлари тўғрисида келишиб олган. Бу ҳақда ТАСС хабар бермоқда.
«Чиқиб кетиш тўғрисидаги келишув бўйича аниқ тушунтиришлар мавжуд ва юридик кафолатлар белгилаб қўйилди», - деди Юнкер.
Унинг сўзларига кўра, келишув, хусусан, Британия учун Ирландия чегарасини назорат қилиш режими бўйича кафолатлар тақдим этади.
Бундан ташқари, унинг қўшимча қилишича, энди Брюссель ва Лондон Brexit’ни тартибга солинган ҳолда якуний ҳолатга келтириши мумкин.
Бундан олдин, Тереза Мэй вазирлар маҳкамаси қўллаб-қувватловидан маҳрум бўлгани хабар қилинганди.
