GM Uzbekistan акциядорлик жамияти Наврўз умумхалқ байрами муносабати билан Malibu ва Tracker автомобилларини харид қилиш истагида бўлган мижозларга 3 фоиз байрам чегирмасини эълон қилади.
Жамият ахборот хизматининг Kun.uz'га маълум қилинишича, акция жорий йилнинг 19 мартидан эътиборан компаниянинг расмий дилерларидан 100 фоиз олдиндан тўлов амалга оширган ҳолда ушбу автомобилларни харид қилиш истагида бўлган мижозларга тақдим этилади.
Акция жорий йилнинг 31 мартига қадар амал қилади.
Бундан ташқари бугунги кунда компания фоизсиз муддатли тўловга ҳам ушбу моделдаги автомобилларни харид қилишни таклиф қилмоқда.
Унга кўра, харидор 215 млн сўм бошланғич тўлов эвазига Malibu Turbo, 190 млн сўм бошланғич тўлов эвазига Malibu, ҳамда 128 млн сўм бошланғич тўлов эвазига Chevrolet Tracker харид қилиб, автомобилнинг қолган суммасини 2 йил давомида фоизсиз бўлиб тўлаш имконига эга бўлади.
Автомобилни муддатли тўловга харид қилган мижозларга 3 фоизли чегирма амал қилмайди.
