Халқаро атом энергияси агентлиги Республика эндокринология марказига замонавий томограф ўрнатиб беради

Вазирлар Маҳкамасининг республикада эндокринология хизматини такомиллаштириш ва ривожлантириш, аҳолига юқори технологияларга асосланган замонавий тиббий хизматлар кўрсатишни ташкил этиш мақсадидаги фармойиши қабул қилинди.

Ҳужжатда қайд этилишича:

а) Ўзбекистон Республикаси Соғлиқни сақлаш вазирлигининг академик Ё.Х. Тўрақулов номидаги Республика ихтисослаштирилган эндокринология илмий-амалий тиббиёт марказига Халқаро атом энергияси агентлиги томонидан замонавий нона ион SPECT/CT томографини ўрнатиш лойиҳаси амалга оширилмоқда;

б) лойиҳанинг умумий қиймати 725,0 минг еврони ташкил этади, ундан:

525,0 минг евро Халқаро атом энергияси агентлиги томонидан ҳомийлик хайрияси сифатида ажратилади;

Халқаро атом энергияси агентлигига 200,0 минг евро Марказ томонидан тўлаб берилади.

Ўзбекистон Республикаси Молия вазирлиги лойиҳани молиялаштириш учун Марказга 3 йил муддатга йиллик 1 фоизлик ставка бўйича 200,0 минг евро бюджет ссудаси ажратилишини таъминлайди.

Марказ:

бюджет ссудасидан лойиҳани амалга ошириш учун мақсадли фойдаланилишини;

бюджет ссудасини Ўзбекистон Республикаси Молия вазирлигига белгиланган муддатда тўлиқ қайтарилишини таъминлайди.