АҚШ президенти лавозимига номзодлардан бири Майк Блумберг уни паст бўйи учун мазах қилаётган АҚШ президенти Дональд Трампга танбеҳ берди. Блумбергнинг таъкидлашича, асосийси – елкадаги бошдир.
“Дональд Трамп кеча мени паст бўйли деб айтди. Мен эса унга шундай дейман: “Дональд, мен улғайган жойларда биз одамларни бўйнидан юқорига қараб ўлчаймиз”, деб айтган Блумберг тарафдорлари олдидаги нутқида.
Трамп твиттер орқали Блумбергни “мини-Майк” деб мазах қилади. Ҳаттоки бир марта уни “5 фут ва 4 дюймли ўлик энергия” деб ҳам атаган. Аслида миллиардернинг бўйи 5 фут 8 дюймни ёки 173 смни ташкил қилади. Трампнинг бўйи эса 190 смга етади.