7 апрель куни, дарахтлар барқ уриб гуллаган пайтда Самарқанд вилоятининг Қўшработ туманида қор ёғди.
Ўзбекистонга Россия Федерацияси ҳудудидан совуқ ҳаво оқимлари кириб келгани боис, об-ҳавонинг ҳарорати кескин пасайиб, ҳудудларда ёмғир ёғмоқда.
Айрим жойларда ёмғир қорга айланганини кузатиш мумкин.
Самарқанд вилояти Қўшработ тумани матбуот хизмати раҳбари Бобур Мамадиёров Kun.uz’га тумандаги қор манзаралари тасвирларини йўллади.
Маълум бўлишича, 7 апрель кунига ўтар кечаси Самарқанд вилояти марказидан 100 километр узоқликда жойлашган туманнинг Қовунчи қишлоғида қор ёғган.
