Tencent коррупцияда гумонланган 100дан ортиқ ходимини ишдан бўшатди

Компания тўртинчи чоракдан бошлаб маблағ ўғирлаш ва порахўрликка оид 60дан ортиқ эҳтимолий ҳолатларни текширувдан ўтказган.

Хитойнинг Tencent Holdings Ltd интернет компанияси коррупцияда гумонланган 100дан ортиқ ходимини ишдан бўшатди ва бундай ишларга аралашган 37 компанияни қора рўйхатга киритди.

Коррупция билан боғлиқ ишларда компаниянинг Interactive Entertainment Group, Platform & Content Group ва Cloud & Smart Industries Group бўлинмалари собиқ ходимлари тилга олинган.

Tencent коррупцияга қарши сиёсатидаги ҳар қандай қоидабузарликларга "тоқат қилолмаслиги" ва бу масалада полиция билан узвий ҳамкорлик қилишини таъкидлаган.

Чоршанба куни Ҳонгконг биржасида Tencent акциялари нархи 1,6 фоизга кўтарилди. Йил бошидан буён компания капиталлашуви 30,5 фоизга ўсди.

#Tencent #коррупция