Фото: ЎзЛиДеП
Ўзбекистон Либерал-демократик партияси етакчиси Актам Ҳайитов партиянинг 9 сентябр кунги қурултойи якунида журналистлар саволларига жавоб берди.
Ундан партиянинг сайловолди тарғибот жараёнидаги дебатларда ким вакил сифатида қатнашиши ҳақида сўрашди.
“Албатта, партиямиз дебатларга жиддий қарайди ва муносиб номзод иштирокини таъминлайди. Ҳали бу саволларга аниқ жавоб беришга эрта. Дебатлар муддати маълум бўлсин, бизни таклиф қилишсин, шунда бу ҳақда жиддий ўйлаб кўрамиз”, – деди Актам Ҳайитов.
Эслатиб ўтамиз, сьездда ЎзЛиДеП номидан президентликка номзод сифатида амалдаги давлат раҳбари Шавкат Мирзиёев номзоди илгари сурилди.
