Microsoft рекорд миқдораги харидни амалга оширди. Корпорация видео ўйинлар яратувчиси Activision Blizzard компаниясини 68,7 миллиард долларга сотиб олди. Бу ҳақда Reuters хабар берди.
Бу видео ўйинлар сегментидаги энг қимматли савдо хариди бўлди. Ушбу компания машҳур Call of Duty ўйинининг асосчиси ҳисобланади. Activision Blizzard акцияси эгалари ҳар бир қимматли қоғоз учун 95 доллардан олади. Бу эса акцияларнинг 14 январ ҳолатидаги биржа нархидан 45 фоизга кўп дегани. Microsoft харид ҳақида эълон қилгач, акциялар нархи 88 долларгача қимматлаган.
Савдо расмийлаштирилгач, Activision Blizzard бутун каталоглари билан Microsoft'нинг Microsoft Gaming сервиси ихтиёрига ўтади. Microsoft 2020 йилда ҳам видео ўйинлар сегментида рекорд харидни амалга оширганди. Ўшанда ZeniMax Media 7,5 миллиард доллар эвазига Microsoft тасарруфига ўтганди.
