«Барселона» клуби Пьер-Эмерик Обамеянг билан шартнома имзоланганини расман маълум қилди.
Габонлик 32 ёшли форвард «Арсенал»дан эркин агент сифатида Каталония клуби сафига қўшилди. Обамеянг ва «Барселона» ўртасида 2025 йилга қадар келишув имзоланган. Шартномада товон пули миқдори – 100 миллион евро кўрсатилган.
Аввалроқ, Лондон клуби габонлик ҳужумчи билан битимни ўзаро бекор қилгани, Обамеянг ярим мавсум каталонияликлар сафида ҳафтасига 5 минг евро маош олиши ҳақида хабар қилинганди.
Маълумот учун, Обамеянг АПЛ жорий мавсумида «канонирлар» сафида 14 ўйинда майдонга тушиб, 4та гол ва битта ассистга муаллифлик қилган.