Гимнастикачи Оксана Чусовитина Доҳада ўтаётган жаҳон кубогининг иккинчи босқичида финал дастурида иштирок этди.
Миллий олимпия қўмитаси хабарига кўра, Оксана Чусовитина унда муваффақиятли иштирок этиб, олтин медални қўлга киритди.
Чусовитина таяниб сакраш дастурида қатнашиб, 13,433 очко жамғаришга муваффақ бўлди. Бу билан у медаллар учун асосий рақобат олиб борган Венгрия ва россиялик рақибаларини ортда қолдиришга эришди.
Спорт гимнастикаси бўйича Жаҳон кубоги, Доҳа.
Таяниб сакраш, аёллар:
1. Оксана Чусовитина (Ўзбекистон) – 13.433
2. Мария Баскай (Венгрия) – 13.150
3. Виктория Листунова (Россия) – 13.133