ЖЧ-2022. Франция Австралияни йирик ҳисобда енгди, Жирудан дубль, Мбаппе ва Рабьодан гол+ассист

Жаҳон чемпионатида D гуруҳида 1-тур баҳслари якунига етди. 

Амалдаги чемпион Франция Австралия билан баҳсда биринчи бор тўп ўтказиб юборганига қарамай, йирик ҳисобда ғалаба қозонди. Гудвиннинг тезкор голига Рабьо, Жиру (дубль) ва Мбаппе жавоб беришди. 

Жиру миллий жамоадаги голларини 51тага етказиб, бу борада рекордчи Тьерри Анрига етиб олди. Рабьо ва Мбаппе гол уришдан ташқари, ассистни ҳам ўз ҳисобларига ёздириб қўйишди.

Эслатиб ўтамиз, Дания ва Тунис ўртасидаги гуруҳнинг биринчи ўйинида ҳисоб очилмаганди.

ЖЧ-2022. 1-тур. D гуруҳи
Франция — Австралия 4:1
22 ноябр, «Ал Жануб»
Голлар: Рабьо (27), Жиру (32, 71), Мбаппе (68) — Гудвин (9).
Франция – Льорис, Павар (Кунде, 89), Упамекано, Конате, Люка Эрнандес (Тео Эрнандес, 13), Рабьо, Тчуамени (Фофана, 77), Жиру (Тюрам, 89), Гризманн, Дембеле (Коман, 77), Мбаппе. 
Австралия – Райан, Аткинсон (Дегенек, 85), Суттар, Роулз, Беҳич, Муй, Ирвайн (Баккус, 85), Макгри (Мабил, 73), Лекки, Дьюк (Каммингс, 56), Гудвин (Куол, 74).
Огоҳлантиришлар: Дьюк (55), Ирвайн (80), Муй (90+5).