Бельгия миллий жамоаси яримҳимоячиси Эден Азар учун ЖЧ-2022 фаолиятидаги сўнгги халқаро турнир бўлди.
«Реал» футболчиси миллий жамоа сафидаги фаолиятини якунлаганини расман маълум қилди.
«Бугун саҳифалардан бири ёпилмоқда... Севганингиз, қўллаб-қувватлаганингиз учун раҳмат! 2008 йилдан буён бирга баҳам кўрган бахт учун ташаккур. Миллий жамоадаги фаолиятимни якунлашга қарор қилдим. Ўрнимга ўринбосарлар тайёр. Соғиниб қоламан», - дея ёзади Азар.
Маълумот учун, Эден Бельгия сафида 126 ўйинда майдонга тушиб, 33та голга муаллифлик қилган. Азар ЖЧ-2022да миллий жамоаси сардори сифатида тўп сурди, аммо Бельгия гуруҳда қолиб кетганди.