“Маҳаллий ижроия ҳокимияти тўғрисида”ги қонун лойиҳаси эълон қилинди.
Ҳокимларни лавозимидан муддатидан олдин озод этишнинг аниқ асослари белгиланмоқда:
- Ўзбекистон Республикаси Ҳукумати таркиби янгиланганда;
- халқ депутатлари Кенгашлари томонидан билдирилган ишончсизлик вотуми тасдиқланганда;
- ҳокимлар фаолиятининг самарадорлигини баҳолаш натижалари бўйича мунтазам (2 йил давомида) салбий кўрсаткич қайд этилганда;
- одоб-ахлоқ қоидалари мунтазам равишда, яъни 1 йилда 2 мартадан ортиқ бузилганда;
- маҳаллий ижроия ҳокимияти фаолиятининг очиқлигига қўйилган талаблар бузилганда.
Маҳаллий ижроия ҳокимияти фаолиятининг очиқлигига оид талаблар белгиланмоқда, хусусан камида 9 турдаги маълумотлар ҳокимликлар расмий веб-сайтларида доимий жойлаштириб борилиши таклиф этилмоқда, масалан:
- қишлоқ хўжалигига мўлжалланган ер участкаларига ижара ҳуқуқини бериш бўйича очиқ танлов ғолиблари бўлган шахслар тўғрисида маълумотлар;
- маҳаллий бюджетларнинг режадан орттириб бажарилган қисми ва мазкур маблағлар йўналтирилган мақсадлар тўғрисидаги маълумотлар;
- ўтказиладиган барча оммавий тадбирлар (мажлислар, кенгашлар, учрашувлар ва бошқалар) тўғрисидаги маълумотлар;
- ҳоким ва унинг ўринбосарлари яқин қариндошлари тўғрисидаги маълумотлар (фамилияси, исми, отасининг исми);
- ҳоким ва унинг ўринбосарларининг ҳар ойлик меҳнатга ҳақ тўлаш тарзидаги даромадлари тўғрисидаги маълумотлар ва бошқалар;
- ҳокимликларнинг оммавий тадбирлари очиқ ҳолда ўтказилиши ва унда оммавий ахборот воситалари вакиллари тўсиқларсиз иштирок этиш ҳуқуқи, ушбу тадбирларда аудио, видео ва бошқа овоз ёзиш воситаларидан фойдаланишга ҳақли эканлиги белгиланмоқда;
