Бахмут атрофидаги жанглар ва Харкивдаги вайронгарчиликлар. Уруш суратлари

Украинада урушнинг 438-куни ўтди. Асосий маълумотлар:

Аннексия қилинган Севастопол губернатори Михайло Развожаев тунда Қримга 10 та дрон билан ҳужум уюштирилгани ҳақида маълум қилди. Кейинроқ мудофаа вазирлиги Россия қўшини Қора денгиз акваториясида украинларнинг 22 та учувчисиз учар қурилмаси уриб туширилгани ҳақида хабар берди. Ҳужум вақтида жабрланганлар йўқ. Украина бу ҳужум юзасидан изоҳ бермаган.
ФХХ Ивановская областидаги ҳарбий аэродромга дронлар ҳужумининг олди олингани, Тула областида Украина мудофаа вазирлиги бош разведкаси бошқармаси томонидан ёлланган диверсия гуруҳи аъзолари қўлга олингани ҳақида хабар берди. Украина бу маълумотни изоҳламаган.
Евгений Пригожин РФ мудофаа вазирлиги «Вагнер» ХҲКга Бахмутда ҳарбий ҳаракатларни давом эттириш учун ўқ-дори беришни ваъда қилганини айтди. Бу Пригожин унинг жангчилари 10 май куни Бахмутни тарк этиши, чунки «ўқ-дориларсиз улар ўлимга маҳкум экани»ни айтиши ортидан рўй берди. Сергей Шойгу 5 май куни мудофаа вазирлигига «махсус ҳарбий амалиёт» ҳудудида қурол етказиб бериш масалаларини «алоҳида назоратда ушлаш» бўйича топшириқ берган. «Вагнер» ХҲК ҳарбий ҳаракатлар ҳудудида қолиш-қолмаслиги охиригача аён эмас.

Кун кадри. Харкив областидаги вайрон бўлган кўприк