Кишинёв аэропортида йўловчилардан бири ўқотар қуролдан ўт очди — у «Вагнер» жангариси бўлиши мумкин

Молдова ОАВларининг хабар қилишича, 43 ёшли йўловчи Тожикистон фуқароси ва Кишинёвга Туркиядан учиб келган. Унга мамлакатга киришни тақиқлашган ва у ўзини қайта учиб кетиш зонасига кузатиб бораётган чегарачининг тўппончасини қўлга киритиб, уни отиб ўлдирган. Яна йўловчилардан бирига ҳам ўқ узиб ўлдирган, шундан сўнг баррикада ортига беркинган.

Маҳаллий вақт билан соат 21:30 ларда тўппончали жиноятчи FULGER полиция махсус кучишлатар бўлинмасининг штурмидан сўнг қўлга олинган.

Турли тахминларга кўра, у «Вагнер» хусусий ҳарбийлашган компаниясининг ёлланма жангариси бўлиши мумкин. 

Отишма чоғида Кишинёв халқаро аэропортидан персонал ва йўловчилар эвакуация қилинган. 30 июн кунига белгиланган авиақатновлар номаълум муддатгача кечиктирилган.