28 июль куни «Жар» стадионида Суперлага 14-тури доирасида «Олимпик» – «Пахтакор» ўйини бўлиб ўтди.
Дастлаб Диёр Холматовнинг 3-дақиқадаги тезкор голи меҳмонларни ҳисобда олдинга олиб чиқди. 33-дақиқада эса меҳмонлар вакили Муҳаммадқодир Ҳамралиев майдондан четлатилди. Бу «Пахтакор»нинг ўйинига у қадар салбий таъсир қилмади. Иккинчи бўлимда Драган Черан орадаги фарқни оширди – 0:2.
Шу тариқа, Максим Шатцких шогирдлари иккинчи даврани ғалаба билан бошлаб, жадвалда пешқадамга айланиб олди. Айни паллада «шерлар» ҳисобида 31 очко бор. Темур Кападзе бошчилигидаги «Олимпик» эса 16 очко билан 9-поғонада қолмоқда.
Tribuna.uz мухбири ушбу беллашувдан фотожамланма тайёрлади.