Ўзбекистон кубоги 1/8 финал доирасидаги навбатдаги ўйин ОКМК ва «Локомотив» ўртасида бўлиб ўтди.
Фото: Tribuna.uz
2 август куни «Пахтакор» стадионида ўтган баҳснинг 1-бўлими 26 ва 34-дақиқаларида Мартин Боаке дублини расмийлаштирган бўлса, иккинчи бўлимда ҳужумлар сонини оширган «темирйўлчилар» 76-дақиқага келиб Нурмуҳаммад Тошпўлатовнинг голи эвазига ҳисобни қисқартира олди - 2:1.
Шу тариқа Миржалол Қосимов мураббийлигидаги олмалиқликлар ғалаба қозониб чоракфиналга йўл олди, «темирйўлчилар» эса бор эътиборни Про лигага қаратадиган бўлди.
Қайд этиш жоиз, шу куни «Пахтакор» стадионида томошабинлар ташрифи борасида мавсум антирекорди қайд этилди. Ўйинларини Тошкентда ўтказаётган икки жамоанинг ўйинига жами – 187 нафар томошабин ташрифи кузатилгани қайд этилган.
Tribuna.uz фотомухбири Ҳасан Юсупов мазкур беллашувдан фотожамланма тайёрлади.
