Шанба оқшомида Европа футболида рўй берган асосий воқеалар, ўйинлардаги голлар ва турнир жадвалларидаги вазият.
Англия: «Арсенал» «Тоттенҳэм»дан ўзиб кетди
«Вулверҳэмптон» — «Тоттенҳэм» 2:1
Голлар: Сарабия (90+1), Лемина (90+7) — Жонсон (3).
«Вулверҳэмптон» – Са, Семеду (Доэрти, 67), Доусон, Килмен, Гомеш, Аит-Нури (Дойл, 87), Лемина, Беллгард (Калайжич, 73), Гомес (Сарабия, 87), Ҳванг Ҳи Чан, Куня.
«Тоттенҳэм» – Викарио, Порро, Дайер, Дэвис, Эмерсон, Ҳёйберг, Биссума (Ло Челсо, 76), Сарр (Бентанкур, 63), Кулусевски, Сон, Жонсон (Ҳил, 75).
Огоҳлантиришлар: Эмерсон (45), Биссума (45), Бентанкур (89), Доусон (90+5), Доэрти (90+6).
«Тоттенҳэм»нинг энг яхши дамлари ортда қолмоқда. Ўтган турда «Челси»га қарши 9 киши бўлиб якунланган ўйинда қайд этилган 1:4 ҳисоби жамоани синдириб қўйди. «Шпорлар» ўша ўйинда озчилик бўлиб қолишига қарамай ҳужум қилишда давом этган ва жавоб голи ҳам уришган (кичик офсайд туфайли бекор қилинди), лекин якунда сўнгги дақиқаларда қарши ҳужумлардан икки гол ўтказиб юборганди. Шу билан бирга, кўклар Ангелос Постекўғли жамоаси ҳимоясидаги сеҳрни бекор қилишди. «Вулверҳэмптон» билан ўйинда ҳам бу жамоа 90-дақиқагача нормал ўйнади, бир ойлик даволанишдан қайтган Жонсоннинг голи ғалаба келтириши муқаррардек кўринаётганди.
Аммо шанба кунига қадар барча голлари Педру Нету ёки Ҳванг Ҳи Чҳанг иштирокида урилган «бўрилар»да янги қаҳрамон пайдо бўлди. Пабло Сарабия 87-дақиқада майдонга тушди ва ўзига берилган вақт ичида ҳам гол урди, ҳам икки ҳимоячи орасидан ўтказилган нозик узатма билан Леминнинг ғалаба голига ҳаммуаллифлик қилди. «Тоттенҳэм» «Арсенал»ни иккинчи ўринга ўтказиб юборди, якшанба кунги ўйинда «Ливерпул» муваффақиятга эришгудек бўлса, учинчи ўринни ҳам бой бериши мумкин.
«Арсенал» — «Бёрнли» 3:1
Голлар: Троссар (45+1), Салиба (57), Зинченко (74) — Браунҳилл (54).
«Арсенал» – Райя, Томиясу, Габриэл, Салиба, Зинченко, Жоржинио, Райс, Ҳавертц (Виейра, 59), Троссар (Нкетиа, 81), Мартинелли (Кивиор, 90), Сака (Нелсон, 81).
«Бёрнли» – Траффорд, О`Ши, Байер, Тэйлор, Гудмундссон, Витинио (Одобер, 88), Браунҳилл (Обафеми, 85), Берге, Родригес, Амдуни (Рэмзи, 80), Колиошо (Бруун Ларсен, 80).
Огоҳлантириш: Гудмундссон (90+3).
Четлатиш: Виейра (83).
Майдонга тушмасданоқ принципиал рақибини ортда қолдирган «Арсенал» ўз ўйинини намойиш этди — жамоа ўттиз йилдан буён чемпионшипдан чиққан жамоага ўз уйида ютқазмаган (+33=5). Ҳисобни очган Троссар эса, унга бу мавсумда фақат Сака ассистентлик қилмоқда (6 гол), «канонирлар»нинг «Эмирейтс»даги 1000-голи муаллифи сифатида тарихга кирди. Аммо асосийси, белгиялик футболчи икки марказий ҳужумчи — Габриэл Жезус ва Нкетиа йўқлигида уларнинг ўрнини билинтирмаяпти. Меҳмонлар иккинчи бўлимда ҳимоядаги хатодан фойдаланиб ҳисобни тенглаштирган бўлса-да, зум ўтмай Салиба иккинчи голни урди. Энди француз ҳимоячиси уч гол билан чемпионатда фақат «Брентфорд» вакили Пиннокдан ортда қолмоқда. Мезбонларнинг ўйинга узил-кесил нуқта қўйган учинчи голи ҳам ҳимоячи томонидан урилди, Зинченко жарима майдони ичида каратеча услубда зарба йўллади.
«Манчестер Юнайтед» — «Лутон» 1:0
Гол: Линделёф (59).
«Манчестер Юнайтед» – Онана, Далот, Магуайр, Линделёф, Регилон (Варан, 79), Эриксен (Маунт, 40), Фернандеш, Мактоминей, Гарначо (Антони, 68), Рэшфорд, Ҳойлунд (Марсиял, 79).
«Лутон» – Камински, Каборе (Адебайо, 87), Локер, Ошо, Менжи, Даути (Кларк, 73), Таунсенд (Чонг, 61), Баркли, Накамба (Раддок-Мпанзу, 86), Огбене (Жайлз, 86), Моррис.
Огоҳлантириш: Каборе (74).
Эрик тен Ҳагнинг истеъфоси ҳақида гаплар бошланиши билан «МЮ» яна жонлана бошлайди ва натижага эришади. Ўтган турда Бруну Фернандеш «Фулҳэм»га қарши ўйин охирида ғалаба голини урганди, бир ҳафта муқаддам сенсация кўрсатиб «Ливерпул»дан очко олган «Лутон»га қарши ўйинда эса барчасини Линделёф ҳал қилди. Швед ҳимоячиси «қизил иблислар» бош мураббийи сифатида АПЛда 50-ўйинини ўтказган нидерландиялик мутахассиснинг юбилей ғалабасини таъминлади.
«Борнмут» — «Нюкасл» 2:0
Голлар: Соланке (60, 73).
«Борнмут» – Нето, Ааронс (Смит, 68), Сенеси, Забарний, Келли, Кристи, Кук, Таверние (Ротуэлл, 90), Клюйверт (Синистерра, 68), Соланке, Семено (Уаттара, 81).
«Нюкасл» – Поуп, Триппиер, Шер, Ласселс, Ҳолл (Ливраменто, 46), Лонгстафф, Уиллок (Крафт, 90), Майли (Паркинсон, 66), Алмирон (Ритчи, 31), Жоэлинтон, Гордон.
Огоҳлантиришлар: Кук (57), Ласселс (85), Сенеси (86).
Икки фронтда кураш олиб боришда қийналаётган «Нюкасл» яна ЕЧЛ ўйинидан кейин очко йўқотди. Бунгача бундай ҳолат «ПСЖ» билан ғалабали ўйиндан кейин «Вест Ҳэм» (2:2) ва «Боруссия» билан уйдаги биринчи ўйиндан кейин «Вулверҳемптон» (2:2) билан ўйинларда кузатилганди. Энди эса кутилмаганда лига аутсайдерларидан бири «Борнмут» Эдди Ҳау жамоаси дарвозасига икки жавобсиз гол йўллади. Стадиондаги мухлислар эса футболчиларни танқид қилишди ва жамоа етакчиларидан бири Киран Триппиер улардан бирининг олдига бориб, баланд оҳангда гаплашди ва муваффақиятсизлик сабабларини келтирди. «Эй! Сен биласанми, бизда қанча одам жароҳат олган», дея такрорлади англиялик футболчи норози фанатга қарата. У ҳақ эди. «Нюкасл»нинг жароҳатланган футболчилари рўйхати: Андерсон, Барнс, Исак, Уилсон, Мёрфи, Берн, Таргетт ва Ботман. «Борнмут» билан ўйиннинг биринчи бўлимида Алмирон ҳам мажбуран алмаштирилди. Бу ўйинда Гимарайш ҳам сариқ карточкалар сони кўпайиб кетгани туфайли ўйнай олмади. Тонали эса мавсум охиригача дисквалификация қилинган.
Испания: «Жирона» тўхтамаяпти
«Райо Валекано» — «Жирона» 1:2
Голлар: Гарсия (5) — Довбик (42), Савио (65).
«Райо Валекано» – Димитриевски, Рациу (Де Фрутос, 78), Лежен, Мумин, Эспино, Паласон, Гарсия (Бебе, 78), Унаи Лопес (Кике Перес, 67), Оскар Валентин, Трехо (Нтека, 59), Камело (Фалкао, 67).
«Жирона» – Гассанига, Мартинес, Блинд, Эрик Гарсия, Мигел Гутеррес, Порту, Фернандес, Алеиш Гарсия, Эррера, Мартин, Циганков (Ян Коуто, 78), Савио, Довбик (Стуани, 78).
Огоҳлантиришлар: Гутьеррес (14), Гарсия (44), Мартин (73).
«Жирона» иродали ғалабага эришиб, турнир жадвали пешқадамлигини сақлаб қолди. Барчаси қандай якунланишидан қатъи назар, ушбу жамоа мавсумнинг асосий кашфиётларидан бири бўлади. Ўн уч турдан кейин 11 ғалаба — гроссмейстерларга хос даража. «Реал» етти бор мавсумни шундай бошлай олган. «Барселона»да олти ва «Атлетико»да иккита шундай мавсум бор. «Жирона» — испан грандларидан кейин тўртинчи бўлди. Бунга омад ёрдамисиз эришиш қийин, «Райо» майдонида ҳам ҳисоб 1:1 ҳолатида каталонияликларни икки бор дарвоза устуни ва тўсини голдан сақлади.
«Реал» — «Валенсия» 5:1
Голлар: Карвахал (3), Винисиус (42, 49), Родриго (50, 84) — Дуро (89).
«Реал» – Лунин, Карвахал (Пас, 82), Алаба, Начо, Менди (Гарсия, 71), Валверде (Модрич, 60), Диас (Васкес, 71), Кроос, Камавинга, Винисиус (Ҳоселу, 82), Родриго.
«Валенсия» – Мамардашвили, Терри Коррейя (Фулке, 55), Габриэл Паулиста, Москера, Гайя (Гасоровски, 55), Канос (Гилямон, 64), Пепелу (Яремчук, 70), Франсиско Перес (Уго Гонсалес, 70), Герра, Дуро, Диего Лопес.
Огоҳлантиришлар: Пепелу (34), Фулке (56), Камавинга (62), Паулиста (67).
Сўнгги беш йилдаги энг яхши стартини қайд этган «Валенсия»га «Сантияго Бернабеу»да раҳм қилиб ўтиришмади, «кўршапалаклар» бу ерда ўн беш йилдан буён ғалаба қозона олмаган. Бу сафар ҳам меҳмонларни ҳеч қандай яхшилик кутмаётгани илк дақиқаларданоқ аён бўлиб улгурди, Карваҳал узоқ масофадан чап оёқда йўллаган зарбаси билан Мамардашвилини доғда қолдирди, Крооснинг жарима зарбаси эса тўсинга тегди. Меҳмонлар эса вазиятлардан фойдаланишда катта муаммолар кузатилди. Бу айниқса Уго Дурога тааллуқли, у ҳисоб 1:0 эканида Лунин билан яккама-якка вазиятни бой берди. Форвард дарвозабон ҳудудида туриб тўпни бош билан дарвоза тўрига жойлай олмаганидан кейин уюштирилган ҳужумда эса Винисиус Жуниор аниқ ҳаракат қилди.
Бу бразиллар бенефисининг бошланиши бўлиб чиқди ва голлар танаффусдан кейин ҳам давом этди. «Валенсия» дарвозабони ва ҳимоячиларининг икки хатоси — Вини ва Родригонинг икки голига сабаб бўлди, Родриго ўзининг голларидан олдин ватандошига икки бор голли узатма берди. Дуро эса барибир тўпни рақиб дарвозасига йўллашни уддалади — лекин бу Родригонинг иккинчи голидан кейин, ҳисоб 5:0 эканида содир бўлди. Мадрид Жуд Беллингҳем майдонга тушмаган ўйинда ҳам ҳақиқий карнавал гувоҳига айланди. Рақиб эса ушбу стадионда 1989 йилдан кейинги илк мағлубиятини қабул қилди.
Италия: «Ювентус» «Милан»дан илгарилаб кетди
«Лечче» — «Милан» 2:2
Голлар: Сансоне (66), Банда (70) — Жиру (28), Рейндерс (35).
«Лечче» – Фалконе, Жандре, Баскиротто, Понграчич, Доргу, Рамадани, Рафя (Гонсалес, 57), Каба (Блен, 63), Банда (Венути, 87), Стрефецца (Сансоне, 63), Крстович (Пикколи, 63).
«Милан» – Менян, Калабрия (Муса, 46), Томори, Тиав, Эрнандес, Крунич, Побега (Флоренци, 71), Рейндерс, Леау (Окафор, 10), Чуквуэзе (Йович, 79), Жиру.
Огоҳлантиришлар: Эрнандес (44), Рамадани (45), Стрефецца (62), Муса (80), Калабрия (81), Пикколи (85), Флоренци (90), Гонсалес (90+2), Жиру (90+3).
Четлатиш: Жиру (90+3).
Ҳафта ўртасида «Милан» Чемпионлар лигасида «ПСЖ»ни мағлуб этган ҳолда мухлисларига байрам туҳфа этганди. Аммо уик-эндда яна А серияга қайтишга тўғри келди, бу ерда эса Стефано Пиоли жамоаси 7 октябрдан буён ғалаба қозонмаган. Ҳатто сентябр ойи ўрталаридан буён ғалаба нелигини билмаган «Лечче»ни мағлуб этишнинг имкони топилмади. Лекин бу ўйинни россонерилар яхши бошлаганди. Кўп ва чиройли ҳужумлар уюштирилди, биринчи бўлимда икки гол урилди, танаффусдан кейин эса барчаси ўзгариб кетди. «Милан» сафар ўйинларида ҳисобда олдинда бора туриб тўрт очко йўқотди. Бу кўп эмасдек кўриниши мумкин, аммо бу олдинги уч мавсумдагидан икки баробар кўп. Бошқа томондан, барчаси бундан ҳам ёмонроқ тугаши мумкин эди, чунки қўшимча дақиқаларда Менян узоқдан йўлланган зарбани ўтказиб юборди. Дарвозабонни шармандаликдан фақат VAR қутқарди, мониторга борган бош ҳакам ҳужум вақтида фол қайд этди. Аммо сариқ карточкадан кейин ҳакамга норозилик билдирган Жируни иккинчи сариқ карточкадан ҳеч ким қутқара олмади.
«Ювентус» — «Каляри» 2:1
Голлар: Бремер (60), Ругани (70) — Доссена (75).
«Ювентус» – Шченсни, Камбиязо (Николусси-Кавиля, 88), Ругани, Бремер, Гатти, Костич, Локателли, Маккенни, Миретти (Айлинг, 66), Киеза (Милик, 81), Кен (Влаҳович, 66).
«Каляри» – Скуффет, Дзаппа, Голданига, Доссена, Аужелло, Виола (Ористанио, 67), Янкто (Паволетти, 88), Макумбу, Прати, Лувумбу (Шомуродов, 71), Петаня (Лападула, 46).
Огоҳлантиришлар: Маккенни (57), Лувумбу (70), Костич (82), Камбиязо (87).
«Ювентус» эса миланликларни олти очкога ортда қолдириб кетди ва камида «Интер»нинг якшанба кунги ўйини якунигача турнир жадвалини бошқаради. Икки стандарт ва ҳимоячилардан икки гол — барчаси Массимилиано Аллегри услубида амалга оширилди. Мураббийнинг танқидчилари бянконериларнинг айрим ғалабаларини Руганининг иккинчи уринишда дарвоза чизиғи устида қорин билан урган голига солиштириши ҳам мумкин. Ягона минус эса — 23 сентябрдан буён олти ўйин мобайнида дарвозасидан гол ўтказмаган Шченснининг серияси тўхташи бўлди. Лекин ҳимоячилар ўз хатосини голлар билан ёпишди ва бу «Кекса синиора» учун норма. Бу мавсумда туринликлар мудофаасининг беш вакили гол урган. Бу топ-5 лигаларда энг яхши кўрсаткич ва халқаро ўйинлар муносабати билан юзага келадиган танаффусдан кейин кечадиган ўйинда «Интер» учун асосий таҳдид манбайи.
Германия: Кейн ва Гирасси янги тарих ёзишмоқда
«Бавария» — «Ҳайденҳайм» 4:2
Голлар: Кейн (14, 44), Геррейру (72), Шупо-Мотинг (85) — Кляйндинст (67), Бесте (69).
«Бавария» – Нойер, Мазрауи, Упамекано (Геррейру, 61), Ким Мин Жэ, Сарр, Павлович (Дэвис, 75), Лаймер, Мюллер (Тел, 61), Сане, Кейн, Гнабри (Шупо-Мотинг, 61).
«Ҳайденҳайм» – Мюллер, Траоре, Майнка, Гимбер (Шиммер, 83), Ференбах, Тойеркауф (Бек, 61), Мэлоуни (Зесса, 61), Бесте (Томалла, 90), Шеппнер, Динкчи (Пик, 83), Кляйндинст.
Ўтган мавсум бошланиши арафасида бундеслига Левандовски қиёфасидаги гол машинасини йўқотганди. Натижада — мавсумнинг энг яхши тўпурарлари камтарона натижалар қайд этишди. Нкунку ва Фюллкруг 16 тадан гол урганди. Яъни уларнинг иккиси биргаликда поляк футболчисининг Испанияга кетишдан олдинги сўнгги мавсумида урганидан (35 гол) камроқ гол уришган. Энди будеслигада Кейн ҳукмронлик қилмоқда, у олдинги мавсум тўпурарлари натижасини 11 тур ичида ортда қолдирди!
Ҳарри яна бир имкониятидан фойдаланганида — бу унинг қаторасига учинчи ҳет-триги бўлган бўларди. Унинг жамоадошлари ҳам кўплаб вазиятларни йўққа чиқарди ва «Ҳайденҳайм» ўйинга қайта олди. Шу даражадаки, уч дақиқа ичида икки гол фарқини йўққа чиқарди. Шундан кейин иккинчи пландаги актёрлар ўзини кўрсатишига тўғри келди — ўйиндаги якуний натижани ўрнатган Шупо-Мотинг ва Рафаэл Геррейра, португалиялик ҳимоячи камерунлик футболчининг ҳужумидан кейин қайтган тўпни дарвозага йўллаб, учинчи голни урганди. Улар туфайли «Бавария» камида «Байер»нинг ўйини якунигача биринчи ўринга чиқди ва рекорд графикда кетмоқда. Бунгача ҳеч қайси жамоа 11 турда 42 гол урмаган.
«Штутгарт» — «Боруссия» Д 2:1
Голлар: Ундав (42), Гирасси (83, пеналти) — Фюллкруг (36).
Аниқ ижро этилмаган пеналти: Фюрих (11).
«Штутгарт» – Нюбел, Антон, Загаду, Ито, Миттелштедт (Стергиу, 88), Каразор, Штиллер, Фюрих (Вагноман, 66), Мийо (Чон Ву Ён, 88), Левелинг (Гирасси, 67), Ундав (Мвумпа, 77).
«Боруссия» Д – Кобель, Зюле, Ҳуммелс (Бенсебайни, 28), Шлоттербек, Рюэрсон, Забитцер, Ўзжан, Нмеча (Рейна, 63), Брандт (Мален, 46), Адейеми (Ройс, 46), Фюллкруг (Мукоко, 77).
«Штутгарт» икки мағлубиятдан кейин иродали ғалабага эришиб, учинчи ўрин учун баҳсда устун келди. Бунинг учун эса жамоанинг энг яхши тўпурари Гирасси қайтиши етарли бўлди, икки ҳафта давомида жароҳатини тузатган футболчи тўпурарлар пойгасида Кейнни анча олдинга ўтказиб юборган. Ҳа, гвинеялик ҳужумчи пеналтидан гол урди. Аммо, биринчидан, унинг чемпионатдаги 15-голи ғалаба келтирди. Иккинчидан, ўйин охирида Серу асаблари мустаҳкам эканини намойиш этди. Фюриҳ эса ҳисоб 0:0 эканида Кобел билан дуэлда ютқазиб, 11 метрдан аниқ зарба бера олмаганди. Ниҳоят, Гирасси тарихий ютуқ ҳаммуаллифига айланди. Бундеслигада бунгача 11 турдан кейин бирданига икки футболчи ўз ҳисобига камида 15 гол ёзиб қўйиши кузатилмаган. Кейн ва Гирассининг натижасини эса чемпионатда фақат икки футболчи уддалаган — 1968 ва 2019 йилларда мос равишда Герд Мюллер ва Левандовски.
Франция: Ибраҳимовичдан юқорида
«Реймс» — «ПСЖ» 0:3
Голлар: Мбаппе (3, 59, 82).
«Реймс» – Диуф, Фоке (Ҳадра, 70), Абдулҳамид, Окуму, Агбаду, де Смет (Уилсон-Эсбранд, 75), Матусива, Ричардсон (Диаките, 70), Мунеци, Ито, Дарами (Диакон, 83).
«ПСЖ» – Доннарумма, Маркинос, Шкриняр, Мукиеле, Руис, Заир-Эмери, Солер (Эрнандес, 81), Ли Кан Ин (Ндур, 77), Дембеле (Барколя, 74), Мбаппе, Гонсалу Рамуш (Витинья, 46).
Огоҳлантириш: Абдулҳамид (51).
«ПСЖ» жума куни «Ницца» ва «Монпеле» дуранг ўйнаганидан фойдаланиб, биринчи ўринга чиқиб олди. Мантиқан — бу мавзу Мбаппенинг ҳет-триги билан бир қаторда бўлиши керак эди. Бу чемпионатда француз футболчилари томонидан 600-бор бир ўйинда уч гол урилиши б ўлди. Қолаверса, Мбаппенинг фаолиятидаги ўн олтинчиси. Унинг ҳет-трикларининг тенг ярми Франция чемпионатига тўғри келади ва бу XXI асрдаги энг яхши натижа. У Ибраҳимовичнинг натижасини яхшилади.
Шунга қарамай, финал ҳуштагидан сўнг парижликлар бош мураббийи Луис Энрике шундай деди: «Бугун мен Мбаппедан у қадар мамнун эмасман. Голлар ўз йўлига, аммо у жамоага кўпроқ, турли йўллар билан ёрдам беришга қодир. У жаҳон даражасидаги футболчи ва биз ундан кўпроқ нарса кутамиз. Мен буни Килиан билан шахсан гаплашиб оламан». Тахмин қилиш мумкинки, Энрикеда бошқа футболчиларга ҳам саволлар мавжуд, чунки 3:0 — алдамчи натижа. «Реймс» керагидан кўпроқ вазиятлар яратди, аммо улардан фойдаланишда оқсади, ўйин давомида Доннарумманинг сейвлари статистикаси анча яхшиланиб қолди.
Кун статистикаси
- «Порту» рекордчиси Диогу Кошта 6 та пеналтини қайтарди.
- «Монца» яримҳимоячиси Колпани бу мавсумда 6 гол урди. У — А сериядаги энг сермаҳсул италиялик ва топ-5 лигаларда ўрта чизиқ вакиллари орасида кўп гол уриш бўйича Беллингҳемдан кейинги иккинчи футболчи.
- «Эвертон» АПЛ ўйинларида 13 бор 1-дақиқадаёқ гол урди ва бу борада етакчиликни мустаҳкамлади.
- «Бавария» дарвозабони Нойер бундеслигада 36-рақиб устидан ғалабага эришди. Бу Лотар Маттеус ва Мирослав Вотавага тегишли бўлиб турган турнир рекорди такрорланишидир.
