Биржага чиқарилаётган АИ-80 бензинининг бошланғич нархига нисбатан чеклов ўрнатилди
Рақобат қўмитаси биржада АИ-80 маркали бензиннинг бошланғич нархи учун 5 фоиз миқдорида чеклов ўрнатди. Шунингдек, битта харидорга 4 тонна бензин сотиш чеклови ҳам сақлаб қолинади.

Фото: Kun.uz
Рақобат қўмитаси товар-хомашё биржасида АИ-80 автомобил бензини нархининг юқори чегарасини белгилади. Бу ҳақда Spot хабар берди.
Қайд этилишича, қўмитанинг 12 ноябрдаги топшириғига кўра, чоршанба кунидан бошлаб АИ-80 бензини бошланғич нархига нисбатан 5 фоиз миқдорида чеклов (спред) жорий этилган.
Ушбу қарор нархларга сезиларли таъсир қила бошлаган. Хусусан, 13 ноябр кунги савдоларда АИ-80 бензинининг ўртача нархи тоннасига 1,2 млн сўмдан кўпроққа пасайиб, 9,3-9,4 млн сўмгача арзонлашган.
Бухоро нефтни қайта ишлаш заводи ишлаб чиқарган бензиннинг дастлабки нархи бир тоннаси учун 8 млн 931 минг сўмни ташкил этса, жорий этилган чекловни ҳисобга олган ҳолда бир тонна бензиннинг энг юқори нархи 9 млн 377 минг сўмга тенг бўлади.
Эслатиб ўтамиз, 6 ноябрдан бошлаб суюлтирилган газ нархларининг бошланғич нархига нисбатан ҳам 20 фоиз миқдорида чеклов жорий этилганди.
Мавзуга оид

15:48 / 08.02.2025
Президент Аи-80дан воз кечиш ва аҳолини арзон ёқилғи билан таъминлаш топшириғини берди

18:56 / 03.02.2025
2024 йилда Ўзбекистонда газ, нефт ва бензин ишлаб чиқариш камайди

17:26 / 29.01.2025
Қозоғистон бензин ва дизел ёқилғиси экспортини тақиқлади

19:13 / 21.01.2025