Қўшимча функционаллар
-
Тунги кўриниш
1 январдан янги «Futbol» телеканали иш бошлайди
Бугун, 28 декабр куни Ўзбекистон миллий телерадиокомпаниясида «Futbol TV» телеканалининг тақдимот маросими бўлиб ўтди. Тадбирда Tribuna.uz ва Kun.uz мухбири ҳам иштирок этди.
Фото: Tribuna.uz
Янги «Futbol TV» телеканалининг очилишига бағишлаб МТРК медиамарказида ўтказилган маросимда телеканал бош директори Зоҳид Каримов, ўзбекистонлик таниқли мураббийлар Миржалол Қосимов, Вадим Абрамов, Равшан Ҳайдаров, Темур Кападзе, «Спорт» телеканали шарҳловчи ва журналистлари ҳамда бир қатор расмийлар иштирок этишди.
Tribuna.uz мухбирининг маълум қилишича, тўлиқ футболга ихтисослашган телеканал 2025 йилнинг 1 январ кунидан бошлаб «Foreign Language» телеканали ўрнида фаолият юритади. Телеканал ҳозирча Осиё футболига боғлиқ клублар ва миллий жамоалар иштирокидаги учрашувлар, Суперлига-2025 ўйинларини кенг тарзда намойиш этишни режалаштирган.
Телеканал Про лига-2025 ва Футзал бўйича Олий лига ўйинларини ҳам ёритишни мақсад қилган. Шунингдек, «Спорт» телеканалидаги бир қатор футболга оид кўрсатувлар «Futbol TV» телеканалига кўчирилади.
«Futbol TV» телеканали директори Зоҳид Каримовнинг Tribuna.uz мухбирига маълум қилишича, МТРК трансляция ҳуқуқини қўлга киритиш учун Европанинг бир қатор лигалари билан музокара олиб бормоқда.
Маълумот учун, Ўзбекистонда «ЗўрТВ» канали Чемпионлар лигаси ва Ла Лиганинг марказий учрашувларини трансляция қилаётган бўлса, Англия Премьер-лигаси, А Серия, Бундеслига ва Франция чемпионати баҳслари бепул намойиш этиладиган телеканаллар томонидан сотиб олинмаган.
Мавзуга оид
16:25 / 30.11.2022
Futbol TV телеканали тугатилиб, ўрнига кўнгилочар канал очилмоқда
19:03 / 04.01.2019
«Менинг юртим» телеканали мадҳияси тақдим этилди
15:27 / 14.12.2018
Ўзбекистонда хорижий тилларда эфирга узатилувчи телеканални ишга тушириш таклиф этилди
16:06 / 08.12.2018