Қўшимча функционаллар
-
Тунги кўриниш
Саудия Арабистонида гиёҳванд моддалар контрабандасида айбланган олти нафар Эрон фуқароси қатл этилди
Саудия Арабистони ИИВ мамлакатга гиёҳванд моддаларни ноқонуний равишда олиб ўтишга уринган эронликлар қатл этилганини маълум қилди. Эрон томони Саудия Арабистони элчисини ТИВга чақириб, норозилик нотасини топширди.
Фото: Anadolu agency
Саудия Арабистони Ички ишлар вазирлиги мамлакатга гиёҳвандлик воситаларини олиб киришга уринишда айбланган олти нафар Эрон фуқароси қатл этилганини маълум қилди, деб ёзади Anadolu агентлиги.
«Эрон фуқаролари Қосим Муҳаммад Шабони, Абдуррез Юнус Тенкасири, Халил Шаҳид Самри, Муҳаммад Жавод Абдулжалил, Меҳди Кенан Ғаними ва Ҳур Муҳаммад Шабони ноқонуний равишда подшоҳликка наркотиклар олиб киришга уринган», — дейилади ИИВнинг расмий хабарида.
Таъкидланишича, айбланувчилар қўлга олинган, судланган ва ўлим жазосига ҳукм этилган. Саудия Арабистони ҳукуматининг кўрсатмасига биноан ҳукм ижро этилган.
Ўз навбатида Эрон Ташқи ишлар вазирлиги Саудия Арабистонининг Теҳрондаги элчиси Сауд Ал-Аназига протест билдирди. IRNA агентлигига кўра, эронлик маҳбуслар қатл этилганидан кейин Саудия элчиси Эрон ТИВга чақирилиб, унга норозилик нотаси топширилган.
2016 йил январда Саудия Арабистонида 47 киши, жумладан, шиалар етакчиси Нимр ан-Нимр қатл этилганидан кейин икки мамлакат ўртасидаги муносабатлар узилган эди. Аммо Ироқ ва Ўмон воситачилигида 2021 йилда томонлар музокараларни бошлаган. 2023 йил 10 мартда Хитой ҳукумати кўмагида Пекинда дипломатик муносабатларни қайта тиклаш бўйича келишувга эришилган эди.
Мавзуга оид
21:32 / 04.01.2025
Мянма ҳарбий хунтаси 6 мингга яқин маҳбусни озод этади
15:34 / 03.01.2025
Эрон Саудия элчисини Эрон фуқаролари қатл этилгани муносабати билан ТИВга чақиртирди
01:39 / 01.01.2025
Россияда Мудофаа вазирлиги билан шартнома имзолаган маҳбусларга бир марталик тўловлар бекор қилинди
17:20 / 28.12.2024