Қўшимча функционаллар
-
Тунги кўриниш
Трамп Ғазо аҳолисини араб давлатларига кўчирмоқчи
АҚШ раҳбари Иордания ва Мисрдан фаластинлик қочқинларни қабул қилишни сўради.
Фото: AFP
АҚШ президенти Доналд Трамп Миср, Иордания ва бошқа араб давлатлари Ғазо секторидан кўпроқ фаластинлик қочқинларни қабул қилиши кераклигини айтди, деб хабар берди DW.
Трамп Иордания қироли Абдулла II билан суҳбати ҳақида гапирди.
«Мен унга кўпроқ одамни қабул қилсангиз хурсанд бўламан дедим, чунки мен ҳозир бутун Ғазо секторини кўряпман - бу тартибсизлик, ҳақиқий тартибсизлик. Мен у одамларни қабул қилишини хоҳлайман», деди Америка раҳбари.
Трамп, шунингдек, Миср президенти Абдулфаттоҳ ас-Сисий билан гаплашишни режалаштираётганини айтди.
«Мен у одамларни қабул қилишини истардим. Миср бу халқни қабул қилишини истардим. Гап балки 1,5 миллион одам ҳақида кетаяпти. Биз шунчаки тартиб ўрнатиб, «Биласизми, энди ҳаммаси тугади», деймиз», деди у.
АҚШ президенти Иордания қиролини мамлакати аллақачон кўплаб фаластинлик қочқинларни қабул қилгани учун олқишлади.
Миср расмийлари Ғазо қочқинларини қабул қилишдан бош тортиб келмоқда.
Урушдан олдин Ғазода 2,4 миллионга яқин аҳоли истиқомат қилган. Уларнинг аксарияти можаро туфайли уйини тарк этишга мажбур бўлган.
Трампнинг қайтиши
Мавзуга оид
00:41
Миср Исроил ва ҲАМАСга 60 кунлик сулҳ бўйича янги режани таклиф қилди
23:23 / 13.03.2025
Трамп Путиннинг ўт очишни тўхтатиш борасидаги баёнотини «умидбахш, лекин тўлиқ эмас» деб атади
23:00 / 13.03.2025
Путин АҚШ ва Украинанинг 30 кунлик оташкесим таклифига рози бўлди
22:06 / 13.03.2025