princekate-12122010-post Kun.uz: Буюк Британия қироллик тахти вориси шаҳзода Уильямнинг иккинчи фарзандига ҳомиладор рафиқаси Кейт Миддлтоннинг кўзи ёришига саноқли кунлар қолмоқда. Туғруққа бир неча кун қолганда малика зерикишга асло вақт тополмаяпти. 29 апрелда Кейт ва Уильям тўйларининг 4 йиллигини нишонлашди. 2011 йилнинг айнан шу кунида уларнинг никоҳ маросими бўлиб ўтган эди. Буюк Британиянинг энг севимли жуфтлиги бу санани камтарона, оила даврасида кутиб олишга қарор қилди. Бу муносабат билан Букингем саройида ҳам оилавий тантана бўлиб ўтди. Шу куни эрталаб малика Миддлтон ўғли Жоржни саройга олиб борди. Кейинроқ эса саройга Уильямнинг ўзи ҳам етиб келди. Кейт ҳомиладорлигининг биринчи ойлари бироз хавотирли ўтди, бироқ кейинроқ ҳаммаси ўз изига тушиб кетди. Ҳозирда малика Лондоннинг Авлиё Мария шифохонасининг Lindo Wing хусусий клиникасидан икки милдан камроқ масофада жойлашган Кейт Кенсингтон саройида яшамоқда. Бу клиникада жуфтликнинг биринчи фарзанди Жорж дунёга келган. Бир неча ҳафта олдин шифохонанинг чап қисмида машиналар тўхташи тақиқлаб қўйилди ҳамда телекамералар ва фотосуратчилар учун жойлар тақсимланиб, чизиқлар тортиб чиқилди. Шунингдек, ОАВ вакиллари учун махсус тўсиқлар ўрнатилди. Яна иккита британ шифохонаси – Редингдаги Royal Berkshire ва Кингс-Линндаги Queen Elizabeth шифохоналари чақалоқни қабул қилиш учун тўлиқ тайёргарлик ҳолатига келтирилди. xab-4