Непалдаги зилзила оқибатлари

Kun.uz: Непалдаги зилзиладан жабр кўрганлар сони  14 мингдан ошиб кетди. Бу ҳақда Непал Фавқулодда вазиятлар миллий маркази хабар берди.

“Янги маълумотларга кўра, 6 минг 250 киши ҳалок бўлган ва 14 минг 357 киши жабрланган”, – деб айтилмоқда марказнинг Твиттердаги блогида.

Непалдаги зилзила охирги 80 йил ичида содир бўлган энг кучли зилзила бўлди. Маълумотларга кўра, табиий офат 138 мингдан кўпроқ уй ва давлат ташкилотлари жойлашган 10 мингдан кўпроқ бинони бутунлай вайрон қилган.

Аввалроқ, Непал бош вазири Сушил Коирала зилзила оқибатида ҳалок бўлганлар оилаларига 100 минг рупий (1 минг доллар) компенсация пули ҳамда ҳалок бўлган яқинларини дафн қилиш учун қўшимча 40 минг рупий (400 доллардан)дан пул беришини эълон қилганди.

Ўз навбатида, Непал Молия вазири Рам Шаран Махат Непалга зилзила оқибатларини бартараф қилиш учун, шу жумладан уйлар, шифохоналар, ҳукумат муассасалари, тарихий биноларни қайта тиклаш учун 2 млрд доллар зарур бўлишини маълум қилганди.