[caption id="attachment_89253" align="alignnone" width="450"]© 12news.uz © 12news.uz[/caption] Суриянинг Идлиб вилояти, Жиср-ал-Шуғур ҳудудида жанг қилаётган ўзбек жангарилари тасвирланган видеокадрлар 25 апрель куни интернетда пайдо бўлди, дея хабар бермоқда 12news.uz. Central Asia Online’нинг маълумотларига кўра, ўзбек жангариларининг ушбу гуруҳи “Тавҳид вал Жиҳод” (ТВД) ёки “Жаннат ошиқлари” деб ном олган. Кадрларда гуруҳ аъзолари ўзбек тилида бақираётганини эшитиш мумкин. Айни вақтда, Суриядаги урушга Тожикистоннинг Хатлон вилояти Бохтан туманидан 26 нафар ёш йигит қўшилган, бу ҳақда туман маъмурияти вакиллари маълум қилишган. Бу йигитларнинг барчаси, Сурияга йўл олишидан аввал, хориж мамлакатларида меҳнат фаолияти билан шуғулланган. Бохтан тумани милицияси раҳбари ўринбосари Холбой Зоировнинг сўзларига кўра, ҳозиргача тўрт бохтанлик Сурияда ҳалок бўлгани маълум.