944728739 Kun.uz: Украинанинг энергетика ва коммунал хизматлар соҳасида назоратни амалга оширувчи миллий комиссияси 1 майдан бошлаб аҳолига сув етказиб бериш тарифларини 4 фоиздан 100 фоизгача оширишга қарор қилди. Нархлар қай даражада ошиши аҳолини сув билан таъминловчи корхоналар билан амалга ошириладиган келишув натижаларига боғлиқ. Шу боис айрим ҳудудларда нархнинг ўсгани деярли сезилмаса, бошқа жойларда истиқомат қилувчи аҳоли, аксинча, сув таъминоти учун икки баробар кўпроқ пул тўлаши керак бўлади. Бугунги куда максимал тарифлар Киев, Карпаторти ва Кировоград вилоятларида амалда. Винница ва Донецк вилоятларида эса мамлакат бўйича энг паст нархлар ўрнатилган. РИА Новости агентлигининг маълум қилишича, мамлакатда яқиндагина коммунал хизматларнинг бошқа турлари учун тўловлар оширилган эди. Жумладан, 1 апрелдан бошлаб газ, электр чироғи, иссиқлик ва иссиқ сув нархлари кўтарилган. xab-1