Фабрика Форматов5854a0285de064d7573c2929269c224f Kun.uz: 2015 йилнинг 1 май кунида бўлиб ўтган Ўзбекистон Республикаси Ахборот технологиялари ва коммуникацияларини ривожлантириш вазирлиги ҳайъати йиғилишида соҳа ташкилотлари раҳбарларига ёшлар, касб-ҳунар коллежлари битирувчиларини меҳнат билан бандлигини ташкил этиш учун шароитлар яратиш, уларнинг иқтисодий фаоллиги ва ўзларини намоён қилиш имкониятларини ошириш ҳамда ТАТУ ва унинг филиаллари ўқитувчилар таркиби ва умуман соҳа корхоналари илмий салоҳиятини ошириш бўйича чора-тадбирларни қабул қилиш бўйича тегишли вазифалар топширилди. Йиғилишда ижрочилик интизоми масалалари, соҳанинг тегишли корхоналари ва ташкилотлари томонидан давлат дастурлари, республикамиз ҳукумати ва раҳбарияти қарорлари доирасида қўйилган вазифаларнинг бажарилишининг жорий ҳолати кўриб чиқилди. Замонавий технологиялар бўйича кенг полосали фойдаланишни жорий қилишнинг ҳолати таҳлил қилинди. Шу билан боғлиқ тарзда кенг полосали фойдаланиш портлари сони, видеотелефония, интернет-телевидение, юқори тезликдаги интернет, HDTV-каналларни томоша қилиш ва бошқа хизматлардан фойдаланувчи мижозлар сонини оширишга қаратилган чора-тадбирларни қабул қилиш бўйича вазифалар топширилди. Йиғилишда 2015 йилга қўйилган биринчи навбатдаги вазифаларга алоҳида эътибор ажратилди. Улар орасида қуйидаги вазифалар биринчи даражали қилиб белгиланди: • қишлоқ жойларда алоқа хизматлари соҳасини ривожлантириш учун катта салоҳиятдан тўлиқ фойдаланиш; • Интернет тармоғидан фойдаланиш техник имкониятларини янада ошириш бўйича ишларни давом эттириш; • кенг полосали фойдаланиш оптик тармоқларини кенгайтириш ва оптик-толали алоқа линияларини қуриш; • барча, шу жумладан бориш қийин бўлган ҳудудларни рақамли телевидениега ўтказиш ишларини якунлаш; • Интернет тармоғидан фиксирланган кенг полосали фойдаланиш хизматларини кўрсатиш учун портлар сонини ошириш; • Ягона интерактив давлат хизматлари порталида тадбиркорлик субъектлари учун янги интерактив хизматлар турларини яратиш, фаолиятнинг лицензион турларини рўйхатдан ўтказиш ва рухсатномаларни бериш жараёнини электрон форматга ўтказиш; • электрон ҳукумат тизими ва бошқаларни жорий қилиш учун комплекс ахборот тизимларини ишлаб чиқиш бўйича йирик дастурларни амалга ошириш. xab-2